• Latest News

    Prayer to the Guru Master, Padmakara composed by H.H.Khenchen Lama Rinpoche

    ས་མ་ཡའི་མེ་ལོང་། ན་མོ་གུ་རུ་པདྨ་ཀ་ར་ཡེ།། ཟབ་ཞི་སྤྲོས་བྲལ་འོད་གསལ་འདུས་མ་བྱས།།The mirror of Faith, Homage to the master, Padmakara; Profundity, peace and simplicity with bright light and uncompounded phenomenon;བདུད་རྩི་ལྟ་བུའི་ཆོས་ཉིད་དོན་རྟོགས་ནས།། བསམ་ཡས་འགྲོ་དོན་མཛད་པའི་ཐུགས་རྗེ་ཅན།།Comprehend the actuality of nature like a taste of Ambrosia; Compassionate…

  • Latest News

    Urgen Drolma Lama’s 49 Days Prayer

    Awam Tibet School conducted Urgen Tara Lama’s 49 Days Prayers with Tsok Offerings, led by Principal Khenpo Woseal. ཨོ་རྒྱན་ཏཱ་རའི་དགོངས་པ་ཡོངས་རྫོགས་སྨོན་ལམ་ཀུན་བཟང་ཞིང་གི་ཉི་མ།ཨེ་ཀྱེ་ཧོ།།དྲིན་གྱི་ཟླ་མེད་ཨོ་རྒྱན་ཏཱ་ར་ལ།།རྟེན་ཚོགས་བྱང་ཆུབ་སྒྲུབ་པའི་དགེ་བསྔོ་ལས།།འགལ་རྐྱེན་ཀུན་ཞི་མཐུན་རྐྱེན་ལེགས་པར་གྲུབ།།འགྲོ་ཀུན་བདེ་ཆེན་ཞིང་དུ་འདྲེན་ནུས་ཤོག།ཕྱི་སྣོད་དག་པ་བཅོམ་ལྡན་སྣང་མཐའི་ཞིང་།།ནང་བཅུད་རྫོགས་པ་བདེ་བ་ཅན་གྱི་དཔལ།།གསང་བ་སྨིན་གྲོལ་ཀུན་བཟང་རྡོ་རྗེའི་དབྱིངས།།་་་་་་་་

  • Latest News

    Auspicious Prayers for Dungse Garab Rinpoche

    Auspicious Prayer for H.E Dungse Garab Dorjee Rinpoche from Khenchen Lama Rinpoche ཨ་བུ་དགའ་རབ་རྡོ་རྗེ་རིན་པོ་ཆེ། ཨེ་མ་ཧོ། ཡར་མཁྱེན་རབ་ལ་རྟ་བདུན་དབང་པོ།། མར་བརྩེ་ཆེན་ལ་ཟླ་བ་གཞོན་ནུ།། བར་དཔལ་ཡོན་ལ་རྒྱུ་སྐར་བཞད་པ། གྲོགས་ཨ་བུ་ཉིད་སྙིང་གི་འོད་གསལ། སྟེང་གོང་མ་ལ་ངོ་དགའ་མ་འཁྲབས།། འོག་ཉམ་ཆུང་ལ་ཁྱད་བསད་མ་གནང་།། གྲལ་མཐོ་དམན་ལ་ཕྲག་དོགས་མ་བྱས།། བུ་རང་སྐྱེས་ལ་ངོ་སོ་བསྟོད་དོ།། ཆོས་སྲིད་ཞི་གཉིས་ཕྱོགས་མཐར་མ་ལྷུང་།། ལམ་གོང་འོག་ལ་ནོར་སོ་མ་ཤོར།། བློ་རྣམ་དཔྱོད་ལ་ལང་ཚོ་རྫོགས་པ།། ཕ་མེས་པོ་ལ་ཡིད་སྨོན་ཤོར་ཐལ།། ཨ་བུ་རིན་པོ་ཆེ་དགའ་རབ་རྡོ་རྗེ་ལ་ཤྲཱིཿཨེ་མ་ཧོས་ཨེ་ཏྲཾ་འབར་ནས་བགྱིས་པར་དགེའོ།། །།

  • Latest News

    Auspicious Prayers for Sangyumla Rinchen Yangzom

    By H.E Khenchen Lama Rinpoche  ༧རྒྱལ་དབང་ཀརྨ་པ་ཞྭ་དམར་ནག་གི་བདག་མོ་ལ་རང་བཞིན་བརྗོད་པ་ གངས་ཅན་བུ་མོའི་མཛེས་རྒྱན་ཡིད་བཞིན་ནོར་བུ། ན་མོ་གུ་རུ་ཀརྨ་ས་ཏྭ།། ཚོགས་གཉིས་སྨོན་ལམ་རྒྱ་མཚོའི་མཐར་ཕྱིན་ནས།། དོན་གཉིས་ཡིད་བཞིན་ནོར་བུའི་དཔལ་སྦྱིན་མ།། སྐུ་གཉིས་ཕྲིན་ལས་ཀུན་ཁྱབ་ཀུན་བཟང་མོ།། རྨད་བྱུང་ལྷུན་གྲུབ་འཁོར་འདས་དགེ་ལེགས་སྩོལ།། ཀུན་གཟིགས་སྣང་མཐའི་སྒྱུ་འཕྲུལ་ཞྭ་དམར་དང་།། སྤྱན་རས་གཟིགས་དབང་མཐའ་ཡས་རྡོ་རྗེ་དཔལ།། རྒྱལ་དབང་ཀརྨ་པ་ཞེས་ཡོངས་གྲགས་པའི།། དམར་ནག་ཞྭ་ཡི་བདག་མོ་རྒྱལ་གྱུར་ཅིག། ཆོས་ལྡན་སྦས་ཡུལ་འབྲུག་ཏུ་སྐུ་འཁྲུངས་ཤིང་།། ལུགས་གཉིས་མཁྱེན་བརྩེའི་ཡོན་ཏན་དཔལ་མངའ་བའི།། ཕུལ་བྱུང་མཛེས་མཛངས་གངས་ཅན་བུ་མོའི་རྒྱན།། རྒྱལ་ཡུལ་རིན་ཆེན་གཡང་འཛོམས་ཀུན་ནས་རྒྱལ།། མ་རིག་མུན་སེལ་རྒྱལ་དབང་རྣམ་གཉིས་ཀྱིས།། བདེན་དྲང་ཉི་ཟླ་ཟུང་གི་འོད་སྣང་ལས།། འཛམ་གླིང་མ་རིག་རྨོངས་པ་ཀུན་སེལ་ནས།། ཞི་བདེའི་སྣང་བ་ས་གསུམ་ཁྱབ་གྱུར་ཅིག། ཅེས་པ་འདི་ཡང་རབ་གནས་ས་ཕག་ཟླ་ཚེས་དགེ་བར་མཁའ་འགྲོ་རིག་འཛིན་དབྱངས་ཅན་ལྷ་མོ་དང་འབྲུག་གི་ལྷ་ལྕམ་བུདྡྷ་ཏཱ་རས་ངོར་གང་ཤར་དུ་རིག་འཛིན་དཔལ་དགྱེས་པ་རྡོ་རྗེས་དབྱིན་ཡུལ་ཀུན་བཟང་ཆོས་གླིང་ནས་ཕུལ་བར་དགེའོ།། །། སྤྱི་ལོ༢༠༡༩་ཟླ་བ་༡་ཚེས༡༨་ལ།

  • Latest News

    Auspicious Prayers for Mutso Khandro Rinpoche

    Happy Birthday to H.H Mutso Khandro Rinpoche མཁའ་འགྲོ་ཡིད་བཞིན་ནོར་བུའི་ཞབས་བརྟན་གེ་སར་རྡོ་རྗེ་ཞེས་བྱ་བ། ན་མོ་གུ་རུ་བིརྱ་དྷཱ་ར་དྷརྨཱ་ཏཱ་ར་ཡེ།། ཆོས་དབྱིངས་རབ་འབྱམས་མཁའ་འགྲོ་རྒྱ་མཚོའི་དཔལ།། རྒྱལ་ཀུན་དགྱེས་པའི་སོར་རྟོག་ཡེ་ཤེས་ཉིད།། གསུང་གི་དབང་ཕྱུག་རིག་འཛིན་དབྱངས་ཅན་མས།། ཀུན་ཏུ་ཤིས་པའི་དགེ་ལེགས་དེང་འདིར་སྩོལ།། སྐྱེ་མེད་ཀུན་བཟང་ཆོས་སྐུའི་ཡུམ་ཆེན་མོ།། འགག་མེད་ལོངས་སྐུའི་རོལ་རྩལ་ཝ་ར་ཧི།། མཚུངས་མེད་སྤྲུལ་པའི་གར་མཁན་མཚོ་རྒྱལ་མ།། དབྱེར་མེད་ཌཱཀྐིའི་གཙོ་མོ་ཞབས་བརྟན་ཤོག། འཕགས་ཡུལ་མཁའ་འགྲོ་སྭ་ར་སྭཱ་སྟི་དང་།། རིག་འཛིན་སྲས་མོ་མི་འགྱུར་དཔལ་གྱི་སྒྲོན།། སྤྲུལ་པའི་མྱུ་གུ་མུ་མེད་ཡེ་ཤེས་མཚོ།། སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག། མུ༵་མེད་ཀུན་གསལ་མཉམ་པའི་ཕྲིན་ལས་དཔལ།། ཀུན་བཟང་མཛད་པ་རྒྱ་མཚོ༵འི་སྤྲིན་སྤྲོ་བའི།། རྒྱལ་ཀུན་ཡུམ་གྱུར་རྒྱལ་སྲས་དཔའ་མོ་རྗེ།། མཁའ་འགྲོ་ཡིད་བཞིན་ནོར་བུ་ཞབས་བརྟན་ཤོག། སྐུ་ཚེ་མི་ཤིགས་གཉུག་མ་རྡོ་རྗེའི་ཁམས།། གསུང་ཆོས་རྫོགས་པ་ཆེན་པོ་རྗེན་གཅེར་སྟོན།། ཐུགས་རྗེ་རིགས་ཀུན་ཁྱབ་བདག་མཁའ་འགྲོ་མའི།། དགོངས་དོན་མཐའ་དག་བདེ་མྱུར་ལྷུན་གྲུབ་ཤོག། ཅེས་རབ་གནས་ས་ཕག་རྒྱལ་ཟླའི་ཡར་ངོའི་དགའ་བ་དང་པོར་ཨ་མ་ཨོ་རྒྱན་སྒྲོལ་མ་དང་མཁའ་འགྲོ་རིག་འཛིན་དབྱངས་ཅན་ལྷ་མོ་སོགས་དམ་པ་དུ་མས་སྐུལ་བ་དང་རང་ཡང་མཁའ་འགྲོ་ཉིད་ལ་མི་ཕྱེད་དད་པས་ཀུན་ནས་སློང་སྟེ་གང་ཤར་དུ་མཁའ་འགྲོ་ཡིད་བཞིན་ནོར་བུའི་སྐུ་ཚེ་བརྟན་སྨོན་དུ་རིག་འཛིན་རྒྱལ་བའི་གྲལ་མཐའ་ལ་གནས་པའི་དཔལ་དགྱེས་པ་རྡོ་རྗེ་རུ་འབོད་པས་དབྱིན་ཡུལ་ཨེ་ཝཾ་ཀུན་གསལ་ཆོས་གླིང་ནས་སྨོན་པར་དགེའོ།། །།